ti amo
05-04-2007, 01:12 AM
هاي صبايا ... هذي قصيده اعجبتني وحبيت انقلها لكم
سؤالي
بانت نجومك وانْثنى اللّيـل حالـك
ولبّت عزومي ترتجي لمْست ايديـك
سقت الخطى صوبك مع درب هالك
بتبع نجومك ليـن ذيـك الشبابيـك
ودّي اسامر نجمتـك فـي مجالـك
وامسي اخالط ثغرك بْثغـر مغليـك
حيّ الورود وحيّ صافـي همالـك
وحي الشفايف والمزن في مرابيـك
ياللي رحيق الـورد شبّـع زلالـك
وياللي حريرك غار من لمس كتفيك
شف في مدى شوقي مسرّة وصالـك
واسْمع ندى روحي بلهْفـه تناديـك
ضمّ الضلوع العـوج للّـي عنالـك
وادْفن جبيني في ربا حضن كفّيـك
ياواحـدٍ روحـي وقلبـي حلالـك
آمر تدللّ تصـرخ الـروح لبيـك
آمر تدلـلّ قـول والطيـب فالـك
لا تستحي اطلب عيونـي وبعطيـك
تبْغي قصيدي ... شفْ قصيدي قبالك
كلّ القصايد في الغزل قلتهـا فيـك
احسد قصيدي لو يوصّـف دلالـك
واموت غيره مـن قصيـدٍ يسلّيـك
ياغيـر قلّـي ويـن وداك بـالـك
يوم القصايد والغـزل مـا تبدّيـك
لو تسْأل عيونـي تجـاوب سؤالـك
وليت الاجابه في سؤالـي توافيـك
كيف اجْتمع ليـلٍ ونـور بْجمالـك
وكيف الجمر عانق سنا ثلج خدّيـك
وكيف العسل يوصل لقهـوةْ دلالـك
وكيف السحاب يمر جنبك ويسقيـك
وليه ارتجف لو مر جنبـي ظلالـك
وليه الحروف تضيع لحظة الاقيـك
وليه الشموخ قبـال عينـك تهالـك
وليه السما والقاع تحضن مواطيـك
وليه الغرام انصاع طـوع لحبالـك
وليه الثرى يبكـي اذا مـا يوديـك
وليـه المرايـا مـا تبيّـن هبالـك
وليه الكحل يفخر اذا خـط عينيـك
وليه النسايـم لـو تهـب بْشمالـك
مالت غصونك وانْثنى كـل عاليـك
هذا سؤالي جعـل عمـري فدالـك
وياجعل عيني فدْوه لكـل مـا فيـك
وجعل الدروب اللي تخاوي رحالـك
تنبت ورودٍ يانعـه فـي اراضيـك
وياجعل ليلٍ يسترك هـوب حالـك
تبقى نجومه خاتـمٍ لصبـع ايديـك
مع خالص حبي:ti amo
سؤالي
بانت نجومك وانْثنى اللّيـل حالـك
ولبّت عزومي ترتجي لمْست ايديـك
سقت الخطى صوبك مع درب هالك
بتبع نجومك ليـن ذيـك الشبابيـك
ودّي اسامر نجمتـك فـي مجالـك
وامسي اخالط ثغرك بْثغـر مغليـك
حيّ الورود وحيّ صافـي همالـك
وحي الشفايف والمزن في مرابيـك
ياللي رحيق الـورد شبّـع زلالـك
وياللي حريرك غار من لمس كتفيك
شف في مدى شوقي مسرّة وصالـك
واسْمع ندى روحي بلهْفـه تناديـك
ضمّ الضلوع العـوج للّـي عنالـك
وادْفن جبيني في ربا حضن كفّيـك
ياواحـدٍ روحـي وقلبـي حلالـك
آمر تدللّ تصـرخ الـروح لبيـك
آمر تدلـلّ قـول والطيـب فالـك
لا تستحي اطلب عيونـي وبعطيـك
تبْغي قصيدي ... شفْ قصيدي قبالك
كلّ القصايد في الغزل قلتهـا فيـك
احسد قصيدي لو يوصّـف دلالـك
واموت غيره مـن قصيـدٍ يسلّيـك
ياغيـر قلّـي ويـن وداك بـالـك
يوم القصايد والغـزل مـا تبدّيـك
لو تسْأل عيونـي تجـاوب سؤالـك
وليت الاجابه في سؤالـي توافيـك
كيف اجْتمع ليـلٍ ونـور بْجمالـك
وكيف الجمر عانق سنا ثلج خدّيـك
وكيف العسل يوصل لقهـوةْ دلالـك
وكيف السحاب يمر جنبك ويسقيـك
وليه ارتجف لو مر جنبـي ظلالـك
وليه الحروف تضيع لحظة الاقيـك
وليه الشموخ قبـال عينـك تهالـك
وليه السما والقاع تحضن مواطيـك
وليه الغرام انصاع طـوع لحبالـك
وليه الثرى يبكـي اذا مـا يوديـك
وليـه المرايـا مـا تبيّـن هبالـك
وليه الكحل يفخر اذا خـط عينيـك
وليه النسايـم لـو تهـب بْشمالـك
مالت غصونك وانْثنى كـل عاليـك
هذا سؤالي جعـل عمـري فدالـك
وياجعل عيني فدْوه لكـل مـا فيـك
وجعل الدروب اللي تخاوي رحالـك
تنبت ورودٍ يانعـه فـي اراضيـك
وياجعل ليلٍ يسترك هـوب حالـك
تبقى نجومه خاتـمٍ لصبـع ايديـك
مع خالص حبي:ti amo