زمن أول يازينه من زماااااااان

[البتول]

السلام عليكم ورحمة الله وبركاته


أهلين
والله إنكم تنحبون من قلب
ومواضيعكم في قمة الرووووووووووعه وبشهادة الجميع



تصدقون إن اليوم وأنا قاعده أقلب ذكرياتي
تذكرت حاجاة في زمن طفولتي ماصرة أشوفها بزمنا هذا
أخلاق في قمة الروعه في عهد أمهاتنا وأجدادنا
لاتتوقعون إني عجوز تقلب صفحات حياتها ....ولاطفله صغيره تلعب بألعابها
لا أنا أنسانه عاشت بزمن الناس كانت تحب بعضها وترحم بعضها
أذكر في ذيك الأيام أمي الله يحفظها
بعد كل عزيمه أومناسبه كبيره تقسم من العشاء بقدر وترسلنا لجيراننا نوديه لهم ويرحبون فينا بنفس طيبه

وأذكر عمتي الله يرحمها وفرحتنا بزيارتها لنا ويدينها اللي ماتخلا من الهدايا
الله يحرم إيدينها من النار ...
وأذكر وقفة الناس مع بعضهم في الرخا والشده
وأذكر ...وأذكر...


ليش العالم تغير صار الواحد يشوف الثاني عدوا ..أو حسود
ليش صارة سالفة العين هي محور حياتنا ..الوحده لاصدع راسها قالت عين
أو سحر ..
عارفه تبون تقولون العين حق ..أنا ماأنكر بس ثقتنا بالله صارة ضعيفه
(أنا عند حسن ظن عبدي بي)
وين التوكل على الله ...والله إن أعرف وحده ماتخلي بناتها يطلعن مع الباب ولايروحن مناسبات تقول خايفه عليهم من العين ...خافي بس توكلي على الله ..
والشيطان لاعب لعبته مع البشر في هذا الموضوع ...
العالم تغير بدل مايصير يد وحده صاروا متفككين ..
الجيران مو مثل أول كل واحد مسكر بابه عن الثاني ..
والمسجد صار مهجور من بعض البشر إلامن رحم ربي ...
الواحد من أول إذا ماجاء المسجد أفقدوه المصلين وراحوا لبيته يشوفون وش فيه ماحظر
والحين صلى أو ماصلى ماأحد عارف عن الثاني شئ ..
حتى الصغار صاروا يشوفون نفسهم على بعض ...


مانقول غير الله يرحم زمن أول ....
يازينه من زمان

وتعالوا نتذكر مع بعض أشياء حلوه أندثرة في هذا الزمن
وكل وحده تذكرنا بحاجه كانت حلوه في طفولتها وأختفت ؟؟؟؟؟؟؟؟

[صاحبة السمو]

يسلموووووووووا ع الموضوع ومرة حلو ويعور القلب بعد


..


انا شي كان ماضي عندي وافتقده كثير واحن له واتمنى لو الزمن يرجع وترجع ايام اول

أيام جدتي وايام بيتها . . وطلعاتنا معها وجمعاتنا واسلوبها وصوتها وسواليفها حتى هواشها .

لكن ........... راح تظل ايام ماضية ورايحة ومالها رجعة ابـــــــــــد ..


شكرا مرة ثانية ع الموضوع اللي يجدد الذكريات

[؛؛دنّدٍوٌوٍنً؛؛]

ايام اول والله كلها حلوة حتى هواشنا حلو والله ما كنا نعرف الزعل ما ادري ليه الحين بزراننا توها ما فقست من البيضة تقولك كلام حريم والله تترعوين منها ...

اول ما كنا نسوي كذا ... اول كنا نلعب في بيت جدتي انا وصاحبة السمو وشموخ وخواتي وبنات عمي وعماتي وننسى الناس باللعب والوناسه ..كانت جدتي الله يرحمها تهاوشنا اذا خربنا المجلس وسوينا بالمراتب شكل بيت...

ههههههههههوالله يرحم ايام اول...

تسلمين خيط حرير على الموضوع اللي فتق جروح الماضي...

[كسرة ملح]

فعلا ايام زمان ايام حلوه ..ببساطتها ..ببراءتها ..بحلوها ..ومرها ..

.وتبقى ذكرى جميله نحلم بعودتها لنعيشها دقائق معدوده ...ولكن هيهات ..ان تعود ...


كل الشكر لك اختي خيط حرير ع الموضوع ...

[البتول]

تسلمو علي المرور............